АКАФИСТ ПРЕСВЯТОЙ БОГОРОДИЦЕ
Кондак 1
Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти раби́ Твои́, Богоро́дице; но я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто неневе́стная.2
Икос 1
А́нгел предста́тель с Небесе́ по́слан бысть рещи́ Богоро́дице: ра́дуйся, и со безпло́тным гла́сом воплоща́ема Тя зря, Го́споди, ужаса́шеся и стоя́ше, зовы́й к Ней такова́я:3
Ра́дуйся, Е́юже ра́дость возсия́ет;4
ра́дуйся, Е́юже кля́тва изче́знет.5
Ра́дуйся, па́дшаго Ада́ма воззва́ние;6
ра́дуйся, слез Е́виных избавле́ние.7
Ра́дуйся, высото́ неудобовосходи́мая челове́ческими по́мыслы;
ра́дуйся, глубино́ неудобозри́мая и а́нгельскима очи́ма.8
Ра́дуйся, я́ко еси́ Царе́во седа́лище;9
ра́дуйся, я́ко но́сиши Нося́щаго вся.10
Ра́дуйся, Звездо́, явля́ющая Со́лнце;11
ра́дуйся, утро́бо Боже́ственнаго воплоще́ния.
Ра́дуйся, Е́юже обновля́ется тварь;12
ра́дуйся, Е́юже покланя́емся Творцу́.13
Ра́дуйся, Неве́сто неневе́стная.
Кондак 2
Ви́дящи Свята́я Себе́ в чистоте́, глаго́лет Гаврии́лу де́рзостно: пресла́вное твоего́ гла́са неудобоприя́тельно души́ Мое́й явля́ется: безсе́меннаго бо зача́тия рождество́ ка́ко глаго́леши, зовы́й: Аллилу́иа.14
Икос 2
Ра́зум недоразумева́емый разуме́ти Де́ва и́щущи, возопи́ к служа́щему: из боку́ чи́сту, Сы́ну ка́ко есть роди́тися мо́щно, рцы Ми? К Нейже он рече́ со стра́хом, оба́че зовы́й си́це:15
Ра́дуйся, сове́та неизрече́ннаго Таи́ннице;16
ра́дуйся, молча́ния прося́щих ве́ро.17
Ра́дуйся, чуде́с Христо́вых нача́ло;18
ра́дуйся, веле́ний Его́ глави́зно.19
Ра́дуйся, ле́ствице небе́сная, Е́юже сни́де Бог;20
ра́дуйся, мо́сте, преводя́й су́щих от земли́ на не́бо.21
Ра́дуйся, А́нгелов многослову́щее чу́до;22
ра́дуйся, бесо́в многоплаче́вное пораже́ние.23
Ра́дуйся, Свет неизрече́нно роди́вшая;
ра́дуйся, е́же ка́ко, ни еди́наго же научи́вшая.24
Ра́дуйся, прему́дрых превосходя́щая ра́зум;25
ра́дуйся, ве́рных озаря́ющая смы́слы.26
Ра́дуйся, Неве́сто неневе́стная.
Кондак 3
Си́ла Вы́шняго осени́ тогда́ к зача́тию Браконеиску́сную, и благопло́дная Тоя́ ложесна́, я́ко село́ показа́ сла́дкое, всем хотя́щим жа́ти спасе́ние, внегда́ пе́ти си́це: Аллилу́иа.27
Икос 3
Иму́щи Богоприя́тную Де́ва утро́бу, востече́ ко Елисаве́ти: младе́нец же о́ноя а́бие позна́в Сея́ целова́ние, ра́довашеся, и игра́ньми я́ко пе́сньми вопия́ше к Богоро́дице:28
Ра́дуйся, О́трасли неувяда́емыя розго́;29
ра́дуйся, Плода́ безсме́ртнаго стяжа́ние.30
Ра́дуйся, Де́лателя де́лающая Человеколю́бца;31
ра́дуйся, Сади́теля жи́зни на́шея ро́ждшая.32
Ра́дуйся, Ни́во, растя́щая многопло́дие33 щедрот.
ра́дуйся, Трапе́зо, нося́щая оби́лие очище́ния.34
Ра́дуйся, я́ко рай пи́щный процвета́еши;35
ра́дуйся, я́ко приста́нище душа́м гото́виши.36
Ра́дуйся, прия́тное моли́твы кади́ло;37
ра́дуйся, всего́ ми́ра очище́ние.38
Ра́дуйся, Бо́жие к сме́ртным благоволе́ние;39
ра́дуйся, сме́ртных к Бо́гу дерзнове́ние.40
Ра́дуйся, Неве́сто неневе́стная.
Кондак 4
Бу́рю внутрь име́я помышле́ний сумни́тельных, целому́дренный Ио́сиф смяте́ся, к Тебе́ зря небра́чней, и бракоокра́дованную помышля́я, Непоро́чная; уве́дев же Твое́ зача́тие от Ду́ха Свя́та, рече́: Аллилу́иа.41
Икос 4
Слы́шаша па́стырие А́нгелов пою́щих плотско́е Христо́во прише́ствие, и те́кше я́ко к Па́стырю ви́дят Сего́ я́ко а́гнца непоро́чна, во чре́ве Мари́ине упа́сшася, Ю́же пою́ще ре́ша:42
Ра́дуйся, А́гнца и Па́стыря Ма́ти;43
ра́дуйся, дво́ре слове́сных ове́ц.44
Ра́дуйся, неви́димых враго́в муче́ние;45
ра́дуйся, ра́йских две́рей отверзе́ние.
Ра́дуйся, я́ко небе́сная сра́дуются земны́м;
ра́дуйся, я́ко земна́я сликовству́ют небе́сным.46
Ра́дуйся, апо́столов немо́лчная уста́;47
ра́дуйся, страстоте́рпцев непобеди́мая де́рзосте.48
Ра́дуйся, тве́рдое ве́ры утвержде́ние;
ра́дуйся, све́тлое благода́ти позна́ние.49
Ра́дуйся, Е́юже обнажи́ся ад;50
ра́дуйся, Е́юже облеко́хомся сла́вою.51
Ра́дуйся, Неве́сто неневе́стная.
Кондак 5
Боготе́чную звезду́ узре́вше волсви́, тоя́ после́доваша зари́, и я́ко свети́льник держа́ще ю, то́ю испыта́ху кре́пкаго Царя́, и дости́гше Непостижи́маго, возра́довашася, Ему́ вопию́ще: Аллилу́иа.52
Икос 5
Ви́деша о́троцы халде́йстии на руку́ Деви́чу Созда́вшаго рука́ми челове́ки, и Влады́ку разумева́юще Его́, а́ще и ра́бий прия́т зрак, потща́шася дарми́ послужи́ти Ему́, и возопи́ти Благослове́нней:53
Ра́дуйся, Звезды́ незаходи́мыя Ма́ти;54
ра́дуйся, заре́ та́инственнаго дне.55
Ра́дуйся, пре́лести пещь угаси́вшая;56
ра́дуйся, Тро́ицы таи́нники просвеща́ющая.57
Ра́дуйся, мучи́теля безчелове́чнаго измета́ющая от нача́льства;58
ра́дуйся, Го́спода Человеколю́бца показа́вшая Христа́.59
Ра́дуйся, ва́рварскаго избавля́ющая служе́ния;60
ра́дуйся, тиме́ния изыма́ющая дел.61
Ра́дуйся, огня́ поклонение угаси́вшая;62
ра́дуйся, пла́мене страсте́й изменя́ющая.63
Ра́дуйся, ве́рных наста́внице целому́дрия;64
ра́дуйся, всех родо́в весе́лие.65
Ра́дуйся, Неве́сто неневе́стная.
Кондак 6
Пропове́дницы богоно́снии, бы́вше волсви́, возврати́шася в Вавило́н, сконча́вше
The God of God saw the magician, that after the dawn, and like a luminary holding, that tested the king of the king, and reached the Incomprehensible, rejoiced, crying to Him: Alleluia. 52
Ikos 5
You see the children of the Chaldeans on the hand of the Devich who created Him by the hands of man, and the Lord who understands Him, and even the servants will receive the sight, desiring to serve Him, and cry out Blessed: 53
Rejoice, Stars of the Unforgettable Mother; 54
rejoice, dawn of a mysterious day. 55
Rejoice, glorify the quenched cave; 56
Rejoice, enlightening Trinity mysteries. 57
Rejoice, sweeping away the inhuman tormentor from the authorities; 58
Rejoice, the Lord the Man-lover who showed Christ. 59
Rejoice, for saving the ministry; 60
Rejoice, you who take away things. 61
Rejoice, you extinguished the fire; 62
Rejoice, changing the flame of passions. 63
Rejoice, faithful mistress of chastity; 64
Rejoice, joy of all kinds. 65
Rejoice, the unjust Bride.
Kontakion 6
The preachers of God, who used to be magical, returned to Babylon, passed away
