Абрэджэ ныохэр зызэхэтIыcхьэкIэ
Ужъэгъэуз аIо къыстэгущыIэкIых сэ
Сыжъэгъэузэп сыузыгъуаеп сэ къысфэузырэр Абрэджэ Нухь гущы оуиу!
Къафкъас къушъхьашхомэ анахь лагэм
Тыжьын осэпсыхэр къыщетэкъохы гущы оуиу!
Шъхьэ зишIо пстэу гущэ урамым рыкIорэм
СишIулъэгъуныгъэр гущэ афистэкъохьэрэпи сэ
СикIасэу Нухьэр садэжь къызыкIокIэ
Сэщ фэдэ щымыIэу къызгуригъаIуи сэ
Сэщ фэдэ щымыIэмэ некIо сэ зесIокIэ
Лъэсбэщыр ештэшъы унэм икIыжьы гущы оуиу!
Абрэджэ Нухь мо зэ къэдаIу!
ЛIыгъэр зыхэлъыр сэ къыосIон гущы сэ
ЛIыгъэр зыхэлъыр Хьакъуриныр ары
ЛIыгъэр зыхэмылъыр Абрэджэ Нухь гущы оуиу!
Сипщынэ къарэр къызэчIэсэщ
Нухьэ игъыбзэ къыхесэгъэщ гущы оуиу!
СикIасэу Нухьэ къыщагъэу заIом
Сэ къызэхафэри сыкъэмэхэу гущы оуиу!
Сымаджэ сэкъэхъуи дэе сызэхъу гущым
Синухьэ сIошъи лъызгъэкIогъагъ гущы сэ
Услъэгъужьын сIуи укъезгъэщэнэу
СыкъыпщыгъукIэ укъезгъэщагъэпи сэ
Сымаджэ сызэхъум пIэм сызхэгъуалъхьэм
Iахьылэу сиIэ гущэр къызэлъэсыгъэхи оуиу!
Iахьылэу сиIэ гущэр мо зэ шъукIуатэри
Абрэджэ Нухьэми сэ сыIужъугъаплъ гущы сэ
Синухьэ дах мо зэ къэуцу!
Сэ сыгум къеорэр къыосIожьын гущы сэ
Сихьадэ техъорэ сичэфынапхъэрэ
О уиIэшъхьитIукIэ къысфэщэфыжь гущы оуиу!
Сыпсэ къызысхэкIыкIэ сызрагъэжьэжькIэ
СипIуаблэ цыпэми къычIэуцожь гущы оуиу!
Бэным сырахьылIэу сызагъэтIылъкIэ
СынэIу къихьэри зэ къысIуплъэжь гущы оуиу!
Хьадрыхэ машэми сыкъызщIагъэтIыскIэ
Синухьэ сIоншъи сыкъэкуон гущы сэ
Насыпынчъэ щыIэмэ джар шъуиорэдышъ
Шъузэлъэжьыуба марджэ хъужьын гущы шъо.
Abredje nyokher zyzekhetIyckhiekIe
Ujiegieuz aIo kiystegushyIekIykh Se
Syjiegieuzep syuzygiuayep Se kiysfeuzyrer Abredje Nukhi gushy ouiu!
Kiafkias kiushikhiashkhome anakhi lagem
Tyjiyn osepsykher kiyshyetekiokhy gushy ouiu!
Shikhie zishIo psteu gushe uramym rykIorem
SishIuliegiunygier gushe afistekiokhierepi Se
SikIaseu Nukhier sadeji kiyzykIokIe
Sesh fede shymyIeu kiyzgurigiaIui Se
Sesh fede shymyIeme nyekIo Se zyesIokIe
Liesbeshyr yeshteshiy unem ikIyjiy gushy ouiu!
Abredje Nukhi Mo ze kiedaIu!
LIygier zykheliyr Se kiyosIon gushy Se
LIygier zykheliyr Khiakiurinyr ary
LIygier zykhemyliyr Abredje Nukhi gushy ouiu!
Sipshyne kiarer kiyzechIesesh
Nukhie igiybze kiykhyesegiesh gushy ouiu!
SikIaseu Nukhie kiyshagieu zaIom
Se kiyzekhaferi sykiemekheu gushy ouiu!
Symadje sekiekhiui deye syzekhiu gushym
Sinukhie sIoshii liyzgiekIogiagi gushy Se
Usliegiujiyn sIui ukiyezgiesheneu
SykiypshygiukIe ukiyezgieshagiepi Se
Symadje syzekhium pIem syzkhegiualikhiem
Iakhiyleu siIe gusher kiyzeliesygiekhi ouiu!
Iakhiyleu siIe gusher Mo ze shiukIuateri
Abredje Nukhiemi Se syIujiugiapli gushy Se
Mo ze kieutsu in Sinukhie!
Se sygum kiyeorer kiyosIojiyn gushy Se
Sikhiade tyekhiore sichefynapkhiere
O uiIeshikhiitIukIe kiysfeshefyji gushy ouiu!
Sypse kiyzyskhekIykIe syzragiejiejikIe
SipIuable tsypemi kiychIeutsoji gushy ouiu!
Benym syrakhiylIeu syzagietIylikIe
SyneIu kiikhieri ze kiysIuplieji gushy ouiu!
Khiadrykhe mashemi sykiyzshIagietIyskIe
Sinukhie sIonshii sykiekuon gushy Se
Nasypynchie shyIeme djar shiuioredyshi
Shiuzeliejiyuba mardje khiujiyn gushy shio.
